Backyard Bistro (已結業)

一月三日晚相約朋友慶祝生日，十六人到 Backyard Bistro 晚餐。事前與店主說好，希望到時可以每人有機會食到各款食物，並指定要有羊架，其它由他發辦。頭盤煎帶子，半生熟，保持了鮮味和水份，擺設美觀，胃口大開，惟覺得帶子稍淡味一點。意大利香辣湯浸蜆好正，上次食的蜆稍大更好，湯好味，想飲哂佢，又怕辣味影響味覺，皆因仲有大把嘢未食。Pizza 和大蝦意大利飯 正過上次食！蝦味濃夾香，有肉汁，飯的味道有層次，芝士不像以前過多。個人認為 Pizza 仍不及 Simplylife 的。龍蝦意粉好正，帶來驚喜，有成隻完整蝦鉗肉，滿足！好鍾意它的汁，幾乎舐乾淨隻碟!羊架調得很好味，惟稍過熟，上次食的是稍生些少，肉多汁兼滑並有羶香味。牛扒肉味濃，惟亦稍過熟，肉稍鞋，不喜歡辣燶格仔紋，雖然好看，怕不健康。Espresso 不及上兩次好飲，以前 crema 多，入口滑，很香，好味複雜而又層次多。甜品(生日蛋糕)不太甜，剛啱好，食到多種味道和口感，似 Tiramisu, cheese cake 及忌廉蛋糕混合體， 外表簡樸而好食。侍應提意熄燈吹爉燭，多貼心！我們婉拒了，怕影響其他客人。其中不是沒有飲湯