叙苑粉麵茶餐廳

營業中

休息中

每年都會同屋企人上嚟慈雲山一趟，事緣要到鑽石山墳場掃墓，依家同屋企人分開住，唔喺過時過節，就喺依類死忌掃墓嘅日子，先至彼此聚一聚，食吓飯，傾吓偈。過往幾年，不約而同到喺嚟敘苑粉麵茶餐廳食晏，唔喺貪佢有咩好，只喺由墳場行番出巴士站第一間茶記就見到喺佢啫。環境唔多講，以前嘅食評都上載過依度嘅環境相，黃金食晏時段，非常多客。牛筋河 $26除碟頭飯，粉麵亦喺好多茶記必備嘅種類之一，細妹要咗一碗牛筋河，牛筋、河粉兩者嘅份量都唔少，據佢講，牛筋十分軟腍，但香味唔夠。此外，叫碟頭粉麵飯，加$8可配熱飲，加$10可配凍飲，就算點湯粉麵，一樣有咁嘅優惠。每日超值快餐就啱我多啲，抵吖嘛，$39大大碟碟頭飯加嘢飲。個超值快餐日日唔同款，每日有6款選擇，送例湯或餐茶，凍飲加$2，轉紅豆冰加$3。黑椒牛扒火腿飯 $39依個喺細佬嘅選擇，果然夠抵食，大大件牛扒，不過，牛扒唔喺煎，喺炸完再淋上黑椒汁，塊火腿亦無點煎過，我細佬對食無咩要求，所以，佢話OK其實都作唔到參考。咖喱牛肉飯 $39記得第一次幫襯食佢個咖喱牛腩飯，啲咖喱牛腩有青椒、紅椒、洋蔥，做到好似生炒咁，之後再食佢嘅咖喱滑雞飯，好味又份量足；不過，今次再翻