椰子樹泰國餐廳 (已結業)

估唔到今晚同一班好耐冇見嘅滑雪嘅朋友一齊去食泰國菜！呢間新開嘅泰國菜位於佐敦，就在恆豐中心正後方，方置都幾方便。開波先嚟個泰式拼盤，魚餅蝦餅春卷雞翼，以雞翼代替香葉包雞，這個組合我比較喜歡，送象啤，正！跟住係沙嗲串燒，火喉肉質都好，可以唔點沙嗲汁，都已經入味至於冬蔭公湯呢，我就覺得味道可以再豐富Ｄ，我比較鍾意厚身ＤＤ。軟殼蟹柚子沙律食落唔油膩，清新、香軟鬆脆蒜香牛油雞翼睇落平平無奇，其實係要Encore菜呢，就食咗呢個鐵板椰菜苗～咖哩方面，就點咗咖哩炒蟹，但我比較怕係街食蟹，所以只係配印度薄餅食咗Ｄ咖哩，咖哩汁唔錯明爐烏頭，新鮮入味，清清地平衡下。泰式炒金邊粉，味道可以再濃ＤＤ，或者可以試下做蛋包～最後嘅甜品係有我至愛嘅芒果，芒果糯米飯仲有一個鐵板蠔都好正，掛住食冇影相，又係要Encore十個人食咗太多道菜，不能盡錄。總之係一個好味又歡樂嘅晚上。