大鍋口海鮮火鍋店 (已結業)

是日公司有一同事離巢了~~幾個同事想話同佢食最後的晚餐，想話黎呢間打邊爐好耐啦，人地成日都話呢間好爆滿，所以早一個星期前就打黎呢間度訂位，訂左7:15 pm。收工飛過黎剛剛好，都有好多人下，滿左九成。係門口等左15 mins先有得入座，問過侍應，佢話由入座起計，唔係由訂位時間計既，好彩。入座後快快下單，野食好快黎左，然後同事好快手咁將所有野食丟進個鍋度混。個個lunch都唔係食好多野，唸住黎大食一餐。飲品是任飲的，丸類好真才實料，唔似得係x寶凍肉店買果d咁假。蟹子丸好好食，有一款芝士丸入面d芝士好堅，真係扯到絲，芝味香濃，一定要叫。最好既係呢間有好多款海鮮可以打，有瀨尿蝦，上枱時還是很生猛的，食落好新鮮，但不是很大隻。魚類都有好多款，好似有鱔，但叫一次只有幾塊很薄片的，要叫多幾次先得。菇類都好新鮮，無梅味，金針菇叫左好多次，正~仲有好多野食，一路食都所以都無咩影到相，哈哈。下次一定要再黎。