馬來椰爺

營業中

休息中

今日約咗朋友嚟大角咀買嘢食飯呢邊有好多小舖頭 全部都係細細間咁到咗晚飯時間 經過呢間就入去食好在我哋早咗食飯 發現愈坐就愈多人冇位都會出面照等 啲嘢又真係幾好食- - - - - - - - - - - - - - - - - - - - - - - - 1. 原隻炸軟殼蟹 蜆肉 無味精 椰爺秘傳叻沙 摻摻嚟到見到隻軟殼蟹超大 應該有個碗嘅一半見佢炸粉唔算好厚 望落金黃酥脆 咬落有清脆聲同埋佢話有去除蟹腮同蟹腸 可以安心享用配料都多 包括蜆肉、深海魚蛋、芽菜、豆卜、青瓜絲呢度湯底標榜係無味精 但又充滿香濃叻沙同椰奶香我諗應該用咗好多新鮮食材/香料先做到啦2. 魚肉片 無味精 香草特濃椰奶湯 摻摻魚肉邊邊仲會見到魚皮 代表新鮮 肉質都好嫩滑配埋香草特濃椰奶湯底入口 食到微微香草帶嚟清新同埋特濃椰奶令到口感多咗順滑濃稠質感呢個口味適合唔食辣嘅朋友 因為都係無味精嘅所以唔會有種愈食愈口渴嘅感覺呢個配料都有深海魚蛋、芽菜、豆卜、青瓜絲3. 鮮香蕉 流心斑蘭椰香 手工咖央多士雖然佢呢度係出名牛油夾心 但係出面好少香蕉夾心所以叫咗呢個試吓 揭起多士 見到熱溶香蕉即刻諗起泰國香蕉煎餅 不過佢係配咗斑