The Vibe Room (已結業)

銅鑼灣西餐廳The Vibe Room,走歐陸復古風🤎🤍環境好靚,有拱門位置,打卡一流📸食材優質之餘,款式亦相當精緻同特別👍🏻醬燒原條西班牙八爪魚腳原條西班牙八爪魚腳勁大條🤩職員會即場用玫瑰米酒燒八爪魚🐙火焰澎湃🔥八爪魚肉質彈牙,啖啖肉😛用上日式西京燒醬汁,酸酸地幾特別👍🏻北海道帶子刺身海膽帶子同海膽絕對係我至愛😍用上北海道帶子同加拿大海膽,味道鮮甜😋加上海鹽香橙白酒醋,更能突出帶子同海膽嘅鮮味😍西多士心太軟外型係迷你版嘅西多士,上面仲有一粒牛油🧈係花生味嘅心太軟🥜外層香脆,一切開係流心花生醬😛好香花生味🥜側邊仲有雲呢拿雪糕🍦士多啤梨烏龍茶梳打香甜士多啤梨配上烏龍茶🍓茶味香濃,加上梳打味道清新解渴💦蝶豆花荔枝梳打賣相好靚嘅蝶豆花荔枝梳打,有分層嘅效果🤩清甜荔枝味,仲有成粒荔枝喺入面🤩