伊賀日本燒肉料理 (已結業)

今日同屋企人泥到呢間位於尖沙咀既伊賀日式烤肉食中午飯，環境乾淨企理，係門口已經勁香燒烤味😆可能中午既關係，不算多人，所以好快就可以入坐第一樣要食既緊係刺身，好快就有得食，刺身好新鮮sushi款式亦有好多款任食都有大蝦，帆立貝，墨魚咀，大蝦真係大大隻架，啖啖肉，食反3.5.7隻都多哂數，平時外面散叫都幾十蚊百幾蚊一份啦，帆立貝燒燶少少點埋燒汁非常出色！肉類有豬牛羊雞，醃得好惹味，肥瘦適中，一件一口，即使不點醬汁亦都好好味，必食五花叉燒同黑椒牛仔骨！香草魚塊滑嘟嘟啲魚肉，活硯隻隻開口，加左少少牛油調味。叫左6.7份泥食炸物亦有好多選擇，雙皮奶卷，山葯，草莓雪球係外面係未試過，初嚐又幾好味架啵！食到夠最後仲有movenpick 雪糕作結尾，嘩，真係正到不得了，百幾蚊真係好抵食，有海鮮，魚生，炸物，小食，sushi，燒肉，全部都係任食到夠。超級滿足！