影片
更多
2021-04-08
109 瀏覽
👍🏻手抓海鮮餐五種口味可以選擇（ 新加坡黑胡椒、港式避風塘、泰式香辣、蒜蓉牛油、日本南瓜）對於一個好鍾意食辣嘅人來講，梗係揀咗避風塘中辣。好多炸蒜鋪起面，海鮮包羅萬有，除咗有本地龍蝦、肉蟹、草蝦、綠青口、鮑魚、沙白、魷魚、翡翠螺仲有粟米同菜點綴，加埋一個意粉包底！首先要讚龍蝦超級大隻，肉都基本上好易拆，雖然有濃味嘅醬汁作攪拌，但都蓋唔過佢嘅鮮味！肉蟹食落雖然麻煩，但都啖啖肉，貝殼類海鮮完全冇沙，清洗得非常乾淨！魷魚、鮑魚都夠爽口，唔痴牙！粟米、日本椰菜、洋蔥全部都超級入味！👍🏻 壽喜燒套餐配料除咗有牛肉之外亦都不同款式嘅蔬菜，本菇、唐蒿，冬菇、豆腐（正正可以用來清一清頭先嘅重味），壽喜燒湯底又鮮又甜，蔬菜索晒啲汁超級清甜！怕太鹹餐廳仲可以俾你落鰹魚湯添。牛肉超級大片，雪花平均，而且已經解凍左一段時間（並無任何冰花），仲可以沾上生雞蛋汁，另外建議洋蔥可以落線，炒香個鍋底！💡套餐仲包左餐湯、蒜蓉包、雪糕（movenpick)💡雖然唔太環保，但係用膠手套食海鮮相對地衛生💡餐廳晚市最低消費$250一位
五種口味可以選擇（ 新加坡黑胡椒、港式避風塘、泰式香辣、蒜蓉牛油、日本南瓜）對於一個好鍾意食辣嘅人來講，梗係揀咗避風塘中辣。好多炸蒜鋪起面，海鮮包羅萬有，除咗有本地龍蝦、肉蟹、草蝦、綠青口、鮑魚、沙白、魷魚、翡翠螺仲有粟米同菜點綴，加埋一個意粉包底！
首先要讚龍蝦超級大隻，肉都基本上好易拆，雖然有濃味嘅醬汁作攪拌，但都蓋唔過佢嘅鮮味！肉蟹食落雖然麻煩，但都啖啖肉，貝殼類海鮮完全冇沙，清洗得非常乾淨！魷魚、鮑魚都夠爽口，唔痴牙！粟米、日本椰菜、洋蔥全部都超級入味！
👍🏻 壽喜燒套餐
配料除咗有牛肉之外亦都不同款式嘅蔬菜，本菇、唐蒿，冬菇、豆腐（正正可以用來清一清頭先嘅重味），壽喜燒湯底又鮮又甜，蔬菜索晒啲汁超級清甜！怕太鹹餐廳仲可以俾你落鰹魚湯添。
牛肉超級大片，雪花平均，而且已經解凍左一段時間（並無任何冰花），仲可以沾上生雞蛋汁，另外建議洋蔥可以落線，炒香個鍋底！
💡套餐仲包左餐湯、蒜蓉包、雪糕（movenpick)
💡雖然唔太環保，但係用膠手套食海鮮相對地衛生
💡餐廳晚市最低消費$250一位
張貼
