影片
更多
2012-06-07
265 瀏覽
3月31日, 年前都食過一次, 今次我地番兜嘅原因全係因為佢嘅餐牌~ 餐牌上有好多唔同種類嘅食品, 我地上次食過焗豬同pizza, 今次再試下其他野~ 是晚人流都幾多, 等咗一陣先有位~::: 紐西蘭西冷牛扒精選晚餐 ::: $80 + $2左揀右揀個餐牌, 最後俾呢個是日精選晚餐吸引咗~ 個餐包咗餐湯、餐包、前菜、主食、甜品同飮品, 真係夠晒多~ 餐湯係一個比較橙色嘅忌廉湯, 味道尚可接受, 只係個湯稀咗d, 但係飮唔出佢嘅橙色喺邊度嚟… 麵包雖然唔係咩自家製, 但係暖暖地夠鬆軟, 仲有嗰粒唧咗花嘅牛油, 有心思~ 前菜要咗菠菜芝士焗美國生蠔拼凱撒沙律, 生蠔即焗所以好夠香, 芝士味亦都好濃~ 生蠔夠大隻,質地肥美好豐富, 加埋芝士同菠菜個口感夠晒濃郁, 唯獨菠菜少咗d同碎咗d. 凱撒沙律有齊晒基本野, 生菜煙肉粒麵包粒, 撈一撈凱撒醬, 普普通通味道都算係咁~主菜係紐西蘭西冷牛扒意粉, 上枱其實同碟頭意冇乜分別, 牛扒意粉加上一pat汁, 配上少少雜菜就搞掂~ 牛扒味道唔重, 都係嗰d平價扒餐嘅薄牛扒, 所以加上紐西蘭呢三個字有少少多餘… 好在個蒜茸汁夠味又夠多, 牛扒肉地又夠淋,
::: 紐西蘭西冷牛扒精選晚餐 ::: $80 + $2
左揀右揀個餐牌, 最後俾呢個是日精選晚餐吸引咗~ 個餐包咗餐湯、餐包、前菜、主食、甜品同飮品, 真係夠晒多~
餐湯係一個比較橙色嘅忌廉湯, 味道尚可接受, 只係個湯稀咗d, 但係飮唔出佢嘅橙色喺邊度嚟… 麵包雖然唔係咩自家製, 但係暖暖地夠鬆軟, 仲有嗰粒唧咗花嘅牛油, 有心思~
前菜要咗菠菜芝士焗美國生蠔拼凱撒沙律, 生蠔即焗所以好夠香, 芝士味亦都好濃~ 生蠔夠大隻,質地肥美好豐富, 加埋芝士同菠菜個口感夠晒濃郁, 唯獨菠菜少咗d同碎咗d. 凱撒沙律有齊晒基本野, 生菜煙肉粒麵包粒, 撈一撈凱撒醬, 普普通通味道都算係咁~
主菜係紐西蘭西冷牛扒意粉, 上枱其實同碟頭意冇乜分別, 牛扒意粉加上一pat汁, 配上少少雜菜就搞掂~ 牛扒味道唔重, 都係嗰d平價扒餐嘅薄牛扒, 所以加上紐西蘭呢三個字有少少多餘… 好在個蒜茸汁夠味又夠多, 牛扒肉地又夠淋, 加上少少筋, 半肥半瘦咁咬落好易食~ 意粉比較失色, 因為同普通茶餐廳一樣都係烚熟, 冇炒過, 所以意粉太淋冇口感, 一咬就散.
最後個甜品就係芒果布甸, 唔似係自己整, 應該都係包裝貨, 味道酸酸地, 又食到芒果肉, 比較起其他地方嘅芒果布甸呢個算係好味~
凍奶茶夠奶味, 亦都夠茶味, 甜度亦剛好啱我口味~
::: 煙三文魚凱撒沙律 + 熱檸水 ::: $42 + $2
凱撒沙律同是日精選晚餐嘅如出一轍, 不過份量多好多~ d生菜係用普通西生菜而唔係羅文生菜, 口感欠爽脆. 如果係普通跟餐沙律可以接受, 但特登另叫嘅話比d西生菜比我就有d求其… 煙肉碎同麵包粒都係來貨, 夠脆但油油地. 反而煙三文魚口感creamy魚味鮮濃, 仲有3大塊咁多~ 好味~ 先覺得抵番d!
熱檸水檸檬落得慷慨~ ok 啦!
今晚食嘅野, 感覺個質素唔係太高, 都係普通茶餐廳貨色, 都係上次食焗飯同pizza好似好味d… 雖然係咁, 不過見到隔離枱叫咗咸豬手, 隻咸豬手份量真係大得驚人, 足2人份, 令到我地又有一個衝動下次又要嚟試下佢地其他嘅晚餐~
張貼
