鮮茶 (已結業)

係長沙灣食完飯，行下街去到深水埗嘅時侯，見到依間9點鐘仲大排長龍嘅《鮮茶》。依家出親街都30幾度咁熱，一定要買番兩杯嘢飲消下暑。芒果芝士奶蓋冰沙 $38鮮黃色嘅冰沙睇落已經好靚，好驚喜嘅係上層嘅芝士奶蓋好厚，真係好足料，飲落好creamy同埋幼滑。新鮮芒果果肉打成嘅沙冰，飲落好清新又有芒果嘅甘甜。金鑽鳳梨芝士奶蓋冰沙 $38淡黃色嘅冰沙底，同樣有厚厚一層芝士奶蓋。相比芒果沙冰，鳳梨會比較有層次嘅酸甜味，十分推介。