影片
更多
2014-04-14
2662 瀏覽
我想一個荃灣人唔會無端端去新蒲崗只為逛（無野好行的）Mikiki和食沖繩炸包，可是無聊仔的我同男友就偏偏這樣傻，老遠走來這裡。Antoshimo Cafe & Bakery位於Mikiki的G/F，竟然唔係商場內，要走到外面，如果落雨同等位都幾麻煩，儘管我們星期六下午去到唔洗等且大把位。內裡裝修非常可愛，到處都是公仔同沖繩獅子，令人感覺置身於沖繩中，未食已經不停影相了。這裡的名物炸包（其實炸包有名，叫Oki 繽/Oki Bun，但唔知點解我覺得炸包個名比較貼切兼有幾分港式味道）共六款，有鹹有甜，d餡各有特別，可以堂食又可以外賣，一個$20，三個以上就$18@，唔算平，勝在夠獨特，買六個仲有可愛校巴禮盒，非常kawaii呢...除了六款炸包，還有其他沖繩名食，雖然花多眼亂樣樣都想試，之但係好醒既我(!!!)知道自己一定眼闊肚窄，忍住只叫個Okibun set，即一個炸包加杯特式飲品，最多唔夠喉就單點多個包，男友則叫個「沖繩一心特制」定食，有飲品有炸包有甜品有麵有餸好豐富。飲品先到。男友跟餐的凍玄米茶，well....無咩好講，普通茶一杯，而我杯沖繩黑糖檸檬特飲有檸檬茶同檸檬水揀（問：同出
Antoshimo Cafe & Bakery位於Mikiki的G/F，竟然唔係商場內，要走到外面，如果落雨同等位都幾麻煩，儘管我們星期六下午去到唔洗等且大把位。
內裡裝修非常可愛，到處都是公仔同沖繩獅子，令人感覺置身於沖繩中，未食已經不停影相了。這裡的名物炸包（其實炸包有名，叫Oki 繽/Oki Bun，但唔知點解我覺得炸包個名比較貼切兼有幾分港式味道）共六款，有鹹有甜，d餡各有特別，可以堂食又可以外賣，一個$20，三個以上就$18@，唔算平，勝在夠獨特，買六個仲有可愛校巴禮盒，非常kawaii呢...
除了六款炸包，還有其他沖繩名食，雖然花多眼亂樣樣都想試，之但係好醒既我(!!!)知道自己一定眼闊肚窄，忍住只叫個Okibun set，即一個炸包加杯特式飲品，最多唔夠喉就單點多個包，男友則叫個「沖繩一心特制」定食，有飲品有炸包有甜品有麵有餸好豐富。
飲品先到。男友跟餐的凍玄米茶，well....無咩好講，普通茶一杯，而我杯沖繩黑糖檸檬特飲有檸檬茶同檸檬水揀（問：同出面茶記凍檸茶同凍檸水有乜分別呢？答：無分別），揀左檸檬茶，唯一與茶記分別是，茶記粒粒大冰，而呢到係冰沙，此冰沙好玩之處（我竟然用好玩黎形容杯飲品）係90度"登"佢"chok"佢都唔會跌出一滴茶一督沙，真係幾特別，可惜飲落似糖漿，成為全餐飯既敗筆。
我要紅芋味炸包，上檯時熱辣辣香噴噴，咬落香脆，第一啖已經食到紅芋，紅芋唔會太甜，咬多口就食到紅芋中間的年糕，煙煙韌韌，頭幾口較為燙口，最好攤陣先。整個都好好味，而且．的確．一個就夠飽了 哈哈哈哈
定食中的每樣食物同擺位都好精緻，見到已經食指大動，食落仲Oishii呢...海葡萄沙律：酸酸甜甜好醒胃，海葡萄有兩串，零海水味
水雲果醋沙律：好似木耳個d係水雲，好爽口無滑潺潺感，加埋果醋食好酸好好食
苦瓜奄列：呢個終極推介！有蛋漿，入口好滑，而且沖繩苦瓜唔苦，健康又美味
炸包：要左薯蓉餡，好食，但比起紅芋就差少少啦，味道唔算突出，同埋成舊都澱粉質強有少少滯
壽喜燒清湯手延麵：個名老連咁長其實只係清湯麵一碗，定食中每樣食物都較為濃味，最後食碗清湯麵中和下，劃上滿足既句號。
嗱，劃上左滿足既句號啦，句號左啦，唔計呢個跟餐甜品架，呢個「沖繩黑糖芝媽咪（花生豆腐）」，無味得黎又煙韌，似咀嚼糯米池，我唔識欣賞啦。
題外話/補充資料：
好想再黎食過炸包，但無情白事唔會去新蒲崗，希望快d係出面開分店啦，最好係荃灣開啦 哈哈哈哈哈哈
(以上食評乃用戶個人意見 , 並不代表OpenRice之觀點。)
張貼
