漢城美食 (已結業)

舊同事係韓迷, 本來佢想食韓燒, 但隊長最怕大熱天時食火鍋/ BBQ呢d熱上加熱既野食, 於是搵下有無其他韓國菜食.漢城美食好似尖沙咀有一間, 不過覺得佐敦無甘多人, 容易搵位同可以坐耐d. 舖頭唔大, 不過食物選擇都算多, 3個人點左個泡菜煎餅, 炒粉絲, 炒年糕同飯卷. 泡菜煎餅都煎得幾香, 多泡菜, 唔係煎麵粉餅; 炒粉絲同飯卷都OK, 粉絲都煙un, 唔會炒到一pat野甘, 個飯卷都包得實淨, 料同飯既比例都正常, 唔會特別多料/ 特別少料, 係略嫌淡味左少少; 最差應該係個炒年糕, 年糕炒得太爛, 一pat pat, 好糊口, 唔好味~ 而且海鮮雪味太重, 唔好食!味道就唔算正宗, 不過真係好抵食, 每人都叫左汽水, 平均每人都係$78, 而且碟頭係正常size, 係香港食韓國菜不嬲都唔平, 呢個價錢只夠我叫一個泡菜煎餅咋~