SEDAP惹味馬拉 (已結業)

同友人食過一次，今次帶屋企人黎食可以叫多啲菜式。可以scan QR code代替人手下單，非常方便，唔驚落留單上菜速度都幾快，首先上咗南洋風味既沙爹羊肉串。配上青瓜同生洋蔥，幾開胃。鮮龍躉咖喱叻沙，聽到叻沙應該唔陌生，湯底少少偏淡，但香味足，龍躉味突出，拌麵同米粉不錯。配料有豆卜，豆腐皮，秋葵，茄子等。肉骨茶原來係源自於馬來西亞，後來先係其他地方興起。初初仲以為源自於新加坡，但佢地有分兩種口味，新加坡既肉骨茶顏色較淡色加上重胡椒味，唔加中藥黎煲，反而馬來西亞肉骨茶煲肉骨過程時，會加入中藥，湯既顏色則較深色。以上係兩人分量，料也非常多，有豬肚，雞腳，杞子，排骨。最後唔少得海南雞飯，肉質一啲都唔老，配點薑蓉，辣椒醬，黑醬油。