正宗印度餐廳 (已搬遷) 新店位置

餐廳地方比較難揾，但裏面環境不錯。食物更加冇得頂。個人最喜歡的係鐵板燒雞chicken tikka。講真平時去印度餐廳都係叫咖哩食多，好少叫其他嘢食，但呢個鐵板燒雞真係好香，搞到我都叫埋一份，鐵板上的燒雞雞肉好嫩滑，加埋檸檬汁落去食簡直冇得彈。除燒雞外，咖哩角Samosa同咖哩蝦都好好食，價錢又唔貴，比起其他印度餐廳真係抵食好多。可能係餐廳比較難揾，唔多人發現，但都依然有不少外籍人士幫襯，可見食物真係有返一定嘅水準，下次必定會再去。