吃茶三千 (MOKO新世紀廣場)

營業中

休息中

今日同同事食完燒肉，行經呢間吃茶三千，揀2杯飲路解下膩。吃茶三千靚茶底係用萃茶機現萃茶葉，即場用機沖製，所以都幾吸引。試左佢嘅新口味，店員話材料都係早2日先係台灣補完貨，夠晒正宗。試左一款期間限定葡萄柚口味嘅鳳芒柚粒厚奶，糖度固定，但飲落都唔會太甜，係鮮果嘅甜，所以絕對可接受。而家鳳梨同芒果又好香加上柚子粒，有d咬口，酸甜解渴，好啱夏天！每日限量150杯！另外，揀左杯自選茶，玉露青茶配百香鮮果加纖玉果子。除左有淡淡嘅茶香，仲有百香果嘅清新酸甜，加埋粒粒纖玉果子，QQ咬口，彈牙，口感同味道都好豐富。同埋都讚下佢地飲品個麻繩杯套，懷舊又有文藝風！