九份飽 (蜆殼街) (已搬遷) 新店位置

炮台山多野食係人都知，今日經過開又搵吓有咩特色野食，經過轉角街口，有間裝修幾特別嘅台灣野，於是入去試吓。睇睇餐牌，都有粉麵、小食同台式飲品，我地叫咗幾款試吓。鹽酥雞，啱啱炸出黎熱辣辣，個炸皮脆卜卜，有椒鹽喺面，夠晒惹味，咬落雞肉都好juice。酥炸魷魚，即叫即炸，份量都唔少,d魷魚酥都好粗好大條，佢嘅炸粉一d都唔厚，上面都有落椒鹽，所以唔使點任何醬料都夠晒好味。紅燒牛筋牛腩麵，都好大碗，仲有好多件牛腩同牛筋，夠晒抵食，牛腩同牛筋炆得好入味同火候啱啱好，唔會太淋或者太韌，而個湯底勁濃郁，飲落唔覺有味精，呢碗麵入面仲有大量配菜，有酸菜、芽菜、紅羅白同芫荽，非常足料抵食。懷舊魯肉飯，食台灣菜係必食，呢度d魯肉飯嘅魯肉係肉粒，唔係肉碎，所以食落好有口感，魯肉都鹵得好入味同肥瘦適中，加上隻鹵蛋，真係冇得輸。胚芽珍珠奶茶、珍珠奶茶，可以選擇甜度，珍珠煙煙韌韌，奶茶上面有厚厚嘅泡末，飲落好滑好香奶味。