影片
更多
2018-03-04
98 瀏覽
駿景軒由跑馬地搬到大道東，緊係拿拿臨去試下有無變啦。新地方裝潢設計比以前前派。多左幾間私人房，啱哂晚飯包厢房食飯。唔知係咪多左房關係，睇落就比以前細左。心大心細又想打邊爐又想食小菜。今次狠下心場唔打邊爐，叫小菜！ 叫左李純恩都讚好既麻辣水煮魚片。侍應細心咁將佢奉上之後，立即幫我地畢走辣椒。即刻見到哂d魚！正！D魚好滑，又無骨。最正係d芽菜同底下既麵，入哂味。辣又唔係好辣，十分之麻。啱哂我口味！之後就係送飯最啱既麻婆豆腐，食完個魚食呢個就覺得呢個唔係好麻辣，有d比下去既感覺，不過都係比出面既麻婆豆腐好食既。霸王炒辣子雞見到呢堆辣椒都開心！ 辣子雞炒得好香，帶有少少麻辣。份量都唔少，隱藏喺d辣椒入面既雞食極都仲有。最佳配角腰果又香口又脆！非常可口！正！ 正完四川擔擔麵食到呢度已經知自己太貪心叫得太多野，乜都想食。話飽話飽連湯都飲埋。 仲有個湯！酸辣海鮮羹好飽都要飲埋呢個超足料又美味既海鮮羹，真係啖啖都係海鮮。可能我食得太飽，略嫌佢唔夠酸，酸d會好飲d. 總括黎講，碟碟都大碟，好食，抵食。2011-2017都有米芝蓮一星。我諗2018都走唔甩勒呱。
新地方裝潢設計比以前前派。多左幾間私人房，啱哂晚飯包厢房食飯。唔知係咪多左房關係，睇落就比以前細左。
心大心細又想打邊爐又想食小菜。今次狠下心場唔打邊爐，叫小菜！
叫左李純恩都讚好既麻辣水煮魚片。
麻辣水煮魚片
12 瀏覽
0 讚好
0 留言
侍應細心咁將佢奉上之後，立即幫我地畢走辣椒。
即刻見到哂d魚！正！
D魚好滑，又無骨。最正係d芽菜同底下既麵，入哂味。辣又唔係好辣，十分之麻。啱哂我口味！
之後就係送飯最啱既麻婆豆腐，食完個魚食呢個就覺得呢個唔係好麻辣，有d比下去既感覺，不過都係比出面既麻婆豆腐好食既。
麻婆豆腐
17 瀏覽
0 讚好
0 留言
霸王炒辣子雞
霸王炒辣子雞
21 瀏覽
0 讚好
0 留言
見到呢堆辣椒都開心！ 辣子雞炒得好香，帶有少少麻辣。份量都唔少，隱藏喺d辣椒入面既雞食極都仲有。最佳配角腰果又香口又脆！非常可口！正！
正完四川擔擔麵
食到呢度已經知自己太貪心叫得太多野，乜都想食。話飽話飽連湯都飲埋。
仲有個湯！
酸辣海鮮羹
好飽都要飲埋呢個超足料又美味既海鮮羹，真係啖啖都係海鮮。可能我食得太飽，略嫌佢唔夠酸，酸d會好飲d.
總括黎講，碟碟都大碟，好食，抵食。
2011-2017都有米芝蓮一星。我諗2018都走唔甩勒呱。
張貼
