影片
更多
2022-05-12
1018 瀏覽
Cafe Seoul 太和隱世韓國菜🤤諗唔到食乜lunchie嘅時候就會揀呢間正正子韓國餐廳仔1. 韓式辣汁牛肉湯｜6.5/10夏天熱辣辣就最啱食又熱又辣嘅湯飯^ ^石鍋上嘅關係，一上枱個陣仲係bulubulu滾熱辣㗎(˶‾᷄ ⁻̫ ‾᷅˵)味道方面偏鹹但飲到香濃嘅肉味，唔似某啲hea99死鹹味精湯料都算足，有東粉、芽菜、蕨菜乾、洋蔥同牛肉( ̀⌄ ́) 值得一讚係佢哋又落蕨菜，喺香港好似唔係咁常見，覺得應該係偏向正宗㗎喇好可惜地啲肉質又乾又鞋，應該係偏瘦嘅牛腩絲，同埋牛嘅份量有啲少（汗）陰公，差啲唔夠蛋白質2. 韓式蜆蛤豆腐湯煲｜8/10超好味的湯頭！比起頭先嘅牛肉湯，呢個加咗蜆肉所以好鮮甜！配埋嫩豆腐真係無敵地巧痴ಥ_ಥ 又重口味又辣好好送飯，想食少啲澱粉質嘅版主平時想半碗飯㗎咋，但係食呢個豆腐湯有衝動想加多個白飯！但佢係偏鹹的，個扣分位係食完有啲驚水腫（未到要生腎石好彩）3. 韓式野芝麻豆腐湯｜8.5/10隆重介紹世一野芝麻湯（如果唔係佢賣相唔太上鏡，我會擺佢係第一張㗎嗚嗚）一直無聽過呢個菜式，直到同事不斷賣命狂推之後先上網checkcheck佢乜料(⊙_⊙)原來佢係韓國係好common會
太和隱世韓國菜🤤諗唔到食乜lunchie嘅時候就會揀呢間正正子韓國餐廳仔
1. 韓式辣汁牛肉湯｜6.5/10
夏天熱辣辣就最啱食又熱又辣嘅湯飯^ ^石鍋上嘅關係，一上枱個陣仲係bulubulu滾熱辣㗎(˶‾᷄ ⁻̫ ‾᷅˵)
味道方面偏鹹但飲到香濃嘅肉味，唔似某啲hea99死鹹味精湯
料都算足，有東粉、芽菜、蕨菜乾、洋蔥同牛肉( ̀⌄ ́) 值得一讚係佢哋又落蕨菜，喺香港好似唔係咁常見，覺得應該係偏向正宗㗎喇
好可惜地啲肉質又乾又鞋，應該係偏瘦嘅牛腩絲，同埋牛嘅份量有啲少（汗）陰公，差啲唔夠蛋白質
2. 韓式蜆蛤豆腐湯煲｜8/10
超好味的湯頭！比起頭先嘅牛肉湯，呢個加咗蜆肉所以好鮮甜！配埋嫩豆腐真係無敵地巧痴ಥ_ಥ 又重口味又辣好好送飯，想食少啲澱粉質嘅版主平時想半碗飯㗎咋，但係食呢個豆腐湯有衝動想加多個白飯！但佢係偏鹹的，個扣分位係食完有啲驚水腫（未到要生腎石好彩）
3. 韓式野芝麻豆腐湯｜8.5/10
隆重介紹世一野芝麻湯（如果唔係佢賣相唔太上鏡，我會擺佢係第一張㗎嗚嗚）
一直無聽過呢個菜式，直到同事不斷賣命狂推之後先上網checkcheck佢乜料(⊙_⊙)原來佢係韓國係好common會見到嘅餐點，通常係啲街邊傳統小店會食到~_~;
跟住我想分享下我嘅無知！見到餐牌寫住野芝麻，心諗芝麻咪芝麻，最多咪分黑白，乜鬼野芝麻先！
原來，野芝麻係紫蘇籽咁解吖！所以呢個豆腐鍋食落口係好濃烈嘅紫蘇香，如果唔中意紫蘇嘅朋友要睇路啦
4. 韓式海鮮豆醬湯｜6/10
된장찌개唔係版主平時會揀嘅餐點，但食咗一啖之後覺得大醬配海鮮都算好食，食到海產嘅鮮甜味之後會feel到大醬個陣帶甜嘅後勁
———分界———
總結就係一間會想翻兜嘅韓食小店
重點推俾重口味嘅人類，平時鍾意清淡飲食嘅可能要買定梳蕉係屋企俾自己吸多啲鉀質去水腫啦
55 瀏覽
0 讚好
0 留言
張貼
