影片
更多
2022-11-20
1204 瀏覽
早前都同朋友試過呢間位置新北江商場既momo，momo無解錯就應該係餃子既意思，之前就試話煎同煎既2種，俾我感覺就叫做還好啦，其實同一般餃子差不多，係有豬肉餡同雞肉餡，格左咁耐今日老友話想挑戰下d當地地道特色咁話喎，所以今日又再黎食個午餐啦。小店其實主力係做外賣，堂食基本上只有1小張枱，再多d人就要坐出面，但始終係商場範圍相對會無咁舒服同埋會比較熱，所以一般都係外賣多。咖哩雞烤麥餅套餐先講講咖哩就比較水汪汪果種，有d雞肉同薯仔粒，咖哩味少少唔太重，都唔會好辣，烤麥餅就比較薄身，同埋不算好熱，可以撕開再包住d咖哩雞薯仔黎食，比較似上網睇人介紹印度小食果種，感覺幾正宗，但我個人比較鍾意濃d既咖哩同埋厚少少既Naan，所以覺得一般d，另外套餐跟飲品只有罐裝汽水選擇。烤雞檸檬飯呢個飯列左做配菜類所以無餐跟的，比較奇怪，飯係用印度米，食之前加少少檸檬汁，又幾夾，烤雞烤得幾香口，唔會好乾，面頭加左d綠色既醬，唔係太食得出係咩醬，但都ok，呢個飯比較容易接受。panipuri今日既重頭戲黎啦，其實老友今日黎就係想挑戰佢，呢樣係印度好常見既街頭小食，睇過好多youtuber都挑戰過，鐘意既話佢好食，唔
小店其實主力係做外賣，堂食基本上只有1小張枱，再多d人就要坐出面，但始終係商場範圍相對會無咁舒服同埋會比較熱，所以一般都係外賣多。
咖哩雞烤麥餅套餐
先講講咖哩就比較水汪汪果種，有d雞肉同薯仔粒，咖哩味少少唔太重，都唔會好辣，烤麥餅就比較薄身，同埋不算好熱，可以撕開再包住d咖哩雞薯仔黎食，比較似上網睇人介紹印度小食果種，感覺幾正宗，但我個人比較鍾意濃d既咖哩同埋厚少少既Naan，所以覺得一般d，另外套餐跟飲品只有罐裝汽水選擇。
咖哩雞烤麥餅套餐
$60
138 瀏覽
0 讚好
0 留言
烤雞檸檬飯
呢個飯列左做配菜類所以無餐跟的，比較奇怪，飯係用印度米，食之前加少少檸檬汁，又幾夾，烤雞烤得幾香口，唔會好乾，面頭加左d綠色既醬，唔係太食得出係咩醬，但都ok，呢個飯比較容易接受。
烤雞檸檬飯
$55
123 瀏覽
0 讚好
0 留言
panipuri
今日既重頭戲黎啦，其實老友今日黎就係想挑戰佢，呢樣係印度好常見既街頭小食，睇過好多youtuber都挑戰過，鐘意既話佢好食，唔鍾意既接受唔到，今日就到我地黎試，先介紹下係咩黎先，其實係一個炸空心球入面加d薯仔同洋蔥，再加d綠色既薄荷水，其實如果就咁食個餅就好容易接受既，仲幾好食tim，但加左d薄荷水就即刻升左做高難度，聞落臭臭地，食落起初有陣怪味，跟著會有一陣辣味，非常複雜，又要講返句乾淨又衛生呀，有興趣既朋友不妨挑戰下。
panipuri
$30
148 瀏覽
1 讚好
0 留言
整體黎講食過2次既感覺叫做還可以啦，唔算話好好都不算差，係天水圍黎講叫做比較少有既正宗中東菜，算係一種特色，堂食環境就一定唔會坐得舒服，外賣會比較好，價錢方面我就覺得算比較進取，拍得住裝修有堂食既中東餐廳，偶爾食下都ok既。
張貼
