海南少爺 (已結業)

想食海南雞，🐽豬仔帶我去位於海港城入面嘅「海南少爺」。望住個海享受美食，真係人生一大樂事❣️。海南雞飯拼馬來西亞肉骨茶🐔雞件啖啖肉，油飯粒粒分明。肉骨茶香濃入味，肉排軟腍鮮甜，腐竹豆卜滲透肉骨茶香，令人食指大動😋。海南雞飯拼海鮮喇沙🐔海南雞肉質鮮嫩，海鮮喇沙椰香味重🥥，配料有鮮蝦、魷魚🦑、雞蛋🥚、魚片，非常豐富。唔好以為細細碗，其實食完好夠飽😮‍💨。檸檬蜜糖薏米水🍹薏米水健脾安神，少少甜，夏天飲就最適合👍🏿。海燕窩燉椰皇 （熱）🧉海燕窩功効多多，含豐富膠原蛋白，口感嫩滑。記得刮空椰皇入面，食埋椰青肉大滿足🥰。