阿里山台式美人鍋 (已結業)

去左間位於佐敦同柯士甸附近嘅一間台式打邊爐食飯，四個人買咗好多嘢食呀。個個都話唔想食得咁油膩，所以嗌咗個酸菜白肉鍋仲附送多一碟肉添。入邊嘅裝修都幾古色古香㗎😋 佢嘅湯底煲愈煲愈酸，算係正宗嘅酸菜白肉鍋，而且佢加湯嘅時候唔係就咁加清水而係加湯底落去所以唔會有越嚟越淡嘅味道！一行四人嗌咗唔少嘢食有牛肉羊肉，午餐肉鳳城水餃墨魚滑等等仲帶咗滷水拼盤添真係超好食！滷水拼盤上枱嘅時候暖笠笠而且份量好多，裏面有豆腐牛肚豬腸雞蛋等等手打五寶丸拼盤都係呢度嘅特色招牌菜有五種唔同嘅遠任君選擇而且價錢都好平，一粒分量都可以同隔離位嗰個share嚟食。安格斯肉眼肥牛脂肪同肉嘅分布均勻色澤鮮明，咬落好有肉味雖然有少少雪藏嘅感覺，不過仲維持到牛肉應有嘅鮮味同口感