上海一品香菜館

營業中

休息中

小籠包一下有八粒，咬開都有湯，不過就唔會爆汁，唔使驚彈到週圍都係同埋太熱會淥親。上海鍋貼一客四件，個底唔會煎到燶曬，餃皮又唔算好厚，食落都唔錯。酸辣湯叫咗一鍋，酸味同辣味都幾均勻，入面有肉絲、木耳絲、豬紅絲、豆腐絲同埋筍絲，真係好開心食到以前細個成日食嗰啲上海舖嘅味道，依家真係買少見少。今次冇食上海粗炒，反而叫咗個上海炒年糕，呢個覺得相對比較一般，如果咁樣炒法應該上海粗炒好食啲，如果食炒年糕應該叫三絲炒年糕或者薺菜炒年糕嗰啲汁醬比較淡味嘅會好食啲。呢度嘅豆漿係一支支嘅，味道都唔錯。