影片
更多
2023-03-26
59 瀏覽
今日係週末星期日，春天為大地帶來雨水，經過旺角呢一頭，好耐冇食過海南雞飯了，今次嚟到呢度水門雞飯試一試。星期日非常多人，下午時間差唔多全場爆曬，好彩唔使等好耐都安排到座位了，Menu都好多嘢揀，用手機落單非常方便。叫咗海南雞飯，而且選用雞胸位置，雖然係雞胸，但係一啲都唔老，而且充滿肉味，油飯都整得唔錯。朋友嗌咗冬陰功魚片湯河，呢碗冬陰功唔似平時出邊飲嗰啲，平時嗰啲會有一層油浮喺面，呢個就係清湯底，雖然係清湯，但係味道依然足夠。而且魚片無骨，非常滑。不錯。嗌咗兩個小食，無骨鳳爪沙律，酸辣汁，同埋青檸配合得啱啱好，非常開胃，全部都係肉，所以都嗌咗個菜 ，馬拉盞肉醬炒芥蘭苗，芥蘭苗唔似芥蘭甘苦，食落去有種清甜味，就算唔食芥蘭嘅人都可以嘗試！
星期日非常多人，下午時間差唔多全場爆曬，好彩唔使等好耐都安排到座位了，Menu都好多嘢揀，用手機落單非常方便。
叫咗海南雞飯，而且選用雞胸位置，雖然係雞胸，但係一啲都唔老，而且充滿肉味，油飯都整得唔錯。
朋友嗌咗冬陰功魚片湯河，呢碗冬陰功唔似平時出邊飲嗰啲，平時嗰啲會有一層油浮喺面，呢個就係清湯底，雖然係清湯，但係味道依然足夠。而且魚片無骨，非常滑。不錯。
嗌咗兩個小食，
無骨鳳爪沙律，酸辣汁，同埋青檸配合得啱啱好，非常開胃，
全部都係肉，所以都嗌咗個菜 ，馬拉盞肉醬炒芥蘭苗，芥蘭苗唔似芥蘭甘苦，食落去有種清甜味，就算唔食芥蘭嘅人都可以嘗試！
張貼
