baan thai (雲咸街)

營業中

休息中

喺中環雲咸街食午餐，其實都有好多選擇，不過要由中環行上嚟一段斜路先到，所以唔係咁容易約到同事陪你一齊嚟。今日就氹咗個同事😆，行上去雲咸街，當食飯前做吓運動。我哋睇咗幾間，最後揀咗呢間Baan Thai泰國餐廳，其實呢間餐廳我路過好多次，覺得佢好靚，泰式裝修，環境好舒服。坐低咗，有點兒置身於泰國一樣。店員健談，說廚師是泰國人，啲嘢好好食。我哋點咗「泰式金邊粉炒雞柳」同埋「椰香黃咖喱雞」，一齊share 。另外，同事好鍾意飲士多啤梨🍓奶昔，所以佢一見到餐牌有，就好開心咁點咗杯。杯士多啤梨奶昔先到，好靚，佢飲咗一啖話：嘩，好好味。咖喱雞椰味香濃中辣，送飯一流，炒金邊粉仍有水準，正宗泰國風味！