泰廳 (已搬遷) 新店位置

冬天咁鬼凍梗係要感受下夏天嘅風情 去食下泰國菜 聽講呢間泰國菜個主廚係正宗泰國人 好期待佢係咪整得出正宗泰國風味呢 假日成兩點先嚟到 但係都坐爆曬 入去啲枱好大張 可以坐到八至十個人好得意 不過座位較為逼 唔係太舒服 叫咗半隻泰式燒雞 呢個燒雞等咗20分鐘先上枱 應該係即刻整 好有驚喜 隻雞外面係燒金黃色 食落外脆 入面多汁 而且好嫩滑 連唔鍾意食雞胸嘅我都食曬 加上香料味超濃郁勁惹味 有啲似咖哩咁嘅感覺 但應該唔係咖哩味 唔識點形容 總之好味 泰式香芒蟹肉炒飯 份量唔大 飯炒得好乾身夠香 而且上面post上滿滿嘅蟹肉同芒果 食樂甜甜地 好有泰國風味 蟹肉好鮮味而且好有誠意 分量好多 泰式蝦頭油臘腸炒飯 炒飯同樣分量唔大而且炒得乾身不過蝦頭味就冇乜 有兩隻大蝦好新鮮肉質彈牙 臘腸分量亦都好多 泰國臘腸畀中式臘腸偏甜一啲 好易入口 配埋炒飯食都好惹味 最後梗係要叫番個泰式甜品 我最愛嘅椰汁西米糕 呢個椰汁糕超大舊 接近有我半隻手板咁大 而且好厚身 入面嘅西米馬蹄粟米等等都好足料 椰汁糕唔太甜 啱曬口味 呢間泰國嘢都幾正宗 下次會再嚟食 試下呢度嘅特色冬陰功