水門雞飯 (豉油街)

營業中

休息中

今晚買d外賣番屋企加餸，收工經過依間水門雞飯，見價錢都幾抵。今次嗌咗鳳尾炒金邊粉，泰式炒通菜，泰式腩仔，香茅特飲，菠蘿沙冰，仲有甜品斑蘭大菜糕。鳳尾炒金邊粉炒得均勻，味道酸酸甜甜，食完好開胃。泰式炒通菜好惹味，小小辣，我屋企人唔食辣都接受到。泰式腩仔，第一次食，之前都喺食開港式。依份泰式腩仔個皮好脆好香，加埋d泰式醬汁真喺幾有泰國風味。飲品方面，我好鍾意佢杯香茅特飲，飲落香茅味濃，有d似香茅檸檬水，唔甜唔酸，好清爽。斑蘭大菜糕，同個菜名一樣，斑蘭味香，做飯後甜品一流。