香港仔魚市場二合海鮮餐廳 (已結業)

同事帶我哋去食好嘢。只開到下午四點，所以中午去食完就入海洋公園玩最好。哩度就係最地道嘅港式海鮮。如果你想要好靚嘅環境，好好嘅裝修，唔好意思啦，哩度真係無。坐喺你附近好多都係魚市場過嚟食飯嘅行家，豪氣粗人。如果你唔得哩D風格，咁都係去返酒樓啦。但係野食真係無得彈，我哋人均400蚊，份量超多超夠，味道又好！無入鏡嘅仲有炒麵青菜，絕對夠食。招牌魚湯超濃超甜，十幾種魚煲埋一齊真係唔講得笑。椒鹽鮑魚，肉厚味香肉蟹絕對名副其實，好好肉，又好味D蝦係爆膏㗎！蒸魚夠鮮味聖旨好厚肉哩個蜆好緊要，同平時出面食得D殼完全唔同，哩度幾乎只只都有肉！雖然唔係咩貴價蜆，但係勝在夠鮮甜又好肉！哩個係驚喜！西多士真係幾好食，仲食得落嘅話，記得要點。