一品滷水專門店

營業中

休息中

帶狗狗去北角美容行過附近間滷水，見啲食物都好企理乾淨，最重要係依家做緊優惠，所以就決定唔煮飯，斬啲滷水料返去做餸，咁我又可以懶懶地煮少餐。依間滷水專門店嘅滷水種類都真係好多，係我15/16嘅時候，老闆就好Nice咁介紹左幾款俾我，估唔到好有驚喜，性價比非常高。強烈推介佢個 招牌滷水鵝，鵝肉肥瘦適中軟嫩又夠入味，滷水汁個濃度又剛剛好，仲可以帶出鵝香味，惹味非常，所以成碟鵝片轉眼就俾我家兩位男仕搶空，睇佢地就知有幾好味啦！其他嘅滷水汁都一樣好出色，滷水豬耳夠爽口彈牙，滷水蛋就蛋香味濃，滷水紅腸都唔錯，仲有入味嘅滷水蛋。不過最令我驚喜就一定係滷水鴨舌，因為之前曾經食過一間令我怕左依個食物，但經老闆誠意推介下，我就試下，點知又真係令我改變。鴨舌夠入另味之餘仲好爽滑，完全唔會有硬實實嘅質感，完全令我食到停唔到口添。仲有每次去滷水料都一定食嘅潮州咸菜，依個我真心覺得係勁好味，醃得好入味之餘仲一啲都唔會好搶喉，應該都冇乜落味精，因為食完唔洗大量飲水。