肥南燒鵝風味小廚

營業中

休息中

最近入左屯門探親戚之後就打算食粵菜，食粵菜去D比較傳統式既中菜館或者類似大排檔果D最正宗，最近就去左【肥南燒鵝風味小廚】食晚飯。星洲橋底骨：類似咕嚕肉既生炒排骨，肉骨相連、肉質非常軟嫩，又唔會太肥。醬汁酸酸甜甜好開胃，加左芝麻香氣十足。椒鹽鮮魷：個人非常鍾意食椒鹽鮮魷，呢個有少少唔同，有D似避風塘style，加左D辣椒蒜頭，非常惹味。鮮魷爽口彈牙。肥南小炒皇：韭菜、魷魚、炸白飯魚同腰果等等炒埋一齊，係餐廳特色，出面無見過，非常特別。唔同食材炒埋一齊又幾好食！