影片
更多
2021-05-16
1220 瀏覽
初嘗尼泊爾菜！平日無咁多人，同朋友嚟食下🥰呢間由1995 年喺中環Soho 開業至今，主打尼泊爾菜，佢嘅菜式係皇室👸🏼🤴🏼常食㗎🤩 餐廳裝潢簡約，帶點民族風格，座位唔多但舒適。 餐牌上有好多選擇，都花咗一段時間先揀到🤣前菜係香脆嘅薄餅，上面有青瓜、蘿蔔、香葉等，再附上三種醬料，辣辣地幾惹味。Haas-Ko Chhoila 去骨火焰烤鴨伴胡蘆巴子沙律（$118）火焰烤鴨切件，每一塊都色澤紅潤，肉質細嫩，而醬汁亦好香濃，配上芳香嘅胡蘆巴子，洋蔥、蘿蔔等，味道豐富。Salad Durbaria 茅屋芝士雜菜沙律伴喜馬拉亞醬（$82）呢款菜好清新健康，以新鮮蔬果為主，爽甜嘅青瓜、蘿蔔、生菜、紅青椒🫑、橄欖🫒等，配上芝士及秘製醬汁，酸酸甜甜，幾醒胃。Macha Raja Janakpuri 秘製咖喱汁煮魚（$165）皇室🤴🏼👸🏼最愛，亦是我食過最好味嘅咖喱之一😍。 細滑香濃嘅醬汁，唔太重黃薑味，亦唔太辣，魚肉也非常嫩滑，伴飯或薄餅，味道一流👍🏻Kauli Chyau 香辣西蘭花炒磨菇（$115）呢度好多蔬菜菜式，因為加入香濃嘅醬汁，所以味道一啲都唔寡。 呢碟以蒜茸及辣醬炒，西蘭花及磨菇都好入味
初嘗尼泊爾菜！平日無咁多人，同朋友嚟食下🥰
呢間由1995 年喺中環Soho 開業至今，主打尼泊爾菜，佢嘅菜式係皇室👸🏼🤴🏼常食㗎🤩
餐廳裝潢簡約，帶點民族風格，座位唔多但舒適。
餐牌上有好多選擇，都花咗一段時間先揀到🤣
前菜係香脆嘅薄餅，上面有青瓜、蘿蔔、香葉等，再附上三種醬料，辣辣地幾惹味。
Haas-Ko Chhoila 去骨火焰烤鴨伴胡蘆巴子沙律（$118）火焰烤鴨切件，每一塊都色澤紅潤，肉質細嫩，而醬汁亦好香濃，配上芳香嘅胡蘆巴子，洋蔥、蘿蔔等，味道豐富。
Salad Durbaria 茅屋芝士雜菜沙律伴喜馬拉亞醬（$82）
呢款菜好清新健康，以新鮮蔬果為主，爽甜嘅青瓜、蘿蔔、生菜、紅青椒🫑、橄欖🫒等，配上芝士及秘製醬汁，酸酸甜甜，幾醒胃。
Macha Raja Janakpuri 秘製咖喱汁煮魚（$165）
皇室🤴🏼👸🏼最愛，亦是我食過最好味嘅咖喱之一😍。 細滑香濃嘅醬汁，唔太重黃薑味，亦唔太辣，魚肉也非常嫩滑，伴飯或薄餅，味道一流👍🏻
Kauli Chyau 香辣西蘭花炒磨菇（$115）
呢度好多蔬菜菜式，因為加入香濃嘅醬汁，所以味道一啲都唔寡。 呢碟以蒜茸及辣醬炒，西蘭花及磨菇都好入味。
香草飯（$78）
自選尼泊爾包（$55）
兩款我都推介✌🏻，香草飯好香，咬落有口感。 而尼泊爾包，可以選擇喜歡嘅味，包面烤得香脆，入面煙韌。
張貼
