瑞士餐廳 (已結業)

老公未去過瑞士，今晚專登同老公食番餐正宗既瑞士芝士火鍋，暫時食咗當去咗。餐廳裝修好有瑞士嘅餐廳感覺，一入到去就俾嗰隻大乳牛吸引。經典瑞士火鍋芝士味香濃，味道正宗唔會膩，小火煲住保持溫度，唔會燶又夠滑，附有一碟麵包粒，如果有多一、兩款用黎蘸芝士更佳。於是我地加了扒雞肉同西蘭花做額外配料，成個火鍋好似即是全面了同立體咗，雞扒係香烤得少少脆，就咁食已經幾好味，再配埋一流嘅濃厚芝士，簡直冇得頂。已熟既西蘭花顏色依然青綠新鮮，蘸上芝士一齊食，芝味香濃，唔錯。辣肉腸bbq醬pizza薄批嘅pizza，唔會太大件，一開四，每件d配料都好平均，食落辣肉腸味道幾濃郁，BBQ醬惹味，而且批底好脆口，真係有d食薯片既感覺。火焰雪山好大個，店員即時點火，打卡啱曬。燒完之後好吸引，外層滿佈生果，有紅青提子、藍莓同士多啤梨。用嚟做雪山外層嘅蛋白得好嫩滑，加上濃濃既香酒味，好似食緊酒味cream咁。蛋白內面有朱古力同雲呢拿雪糕，最特別佢係用冰凍咗嘅菠蘿包住啲雪糕保持雪糕冷凍既狀態，所以食到外熱內凍嘅感覺做得好特別，雪糕都好好味。而雪山底部係香甜蛋糕，蛋糕吸入香酒味，好濕潤。整個火焰雪山，可以話一流。整體上，大家都好