正宗水上人蒸氣鍋專門店 (已結業)

由於前一晚食左餐把鬼火西餐（詳情請查看前一篇食評），心理有點不平衡，午餐時間係尖沙咀，唯一念力就係食餐好！剛好經過水上人，記得上次食佢嘅海鮮蒸蒸鍋超正，於是直接碌上去！坐低左個腦先諗到野，一個人食蒸海鮮係咪傻左？！好彩原來佢都有午餐，於昰叫左幾款點心，加個炒麵同甜品。要知中餐師傅功力，首要一定叫碟炒麵。真的是 驚 為 天 人。一點都不誇張，幼幼的麵條炒得夠乾身，同時中間仍然濕潤，幾條芽菜點綴，錦上添花，好味點心來到了，原來用枱上的蒸爐即蒸每件點心計準時間，唔好食至奇啦！先吃鮮蝦菜苗餃，嘩，上次食海鮮都知好正，但無諗過連小小一件點心入面嘅蝦粒都咁晶瑩剔透，爽口鮮甜！喂，真係好誇張喎。另一個蒸品係黑色午夜，即鍊奶蒸包，好熱好味。雖然好飽但都encore多個蝦餃，又係好好味，唔叫海鮮都可以叫佢頂下癮先。最後，食埋個椰汁木瓜凍，完滿的一餐。心情馬上好起來