火車頭越南餐室 (浣紗街)

營業中

休息中

食越南野點可以唔理呢間火車頭越南餐室啊，有朋友已經同我提及過佢哋嘅越南美食都幾正宗，同埋幾好味，可以話係做到越南嘅風味。叫咗個生牛肉湯金邊粉，佢哋首先會嚟咗碟生嘅芽菜先，因為係俾你一陣間放入個湯面度浸熟佢，個生牛肉湯金邊粉嚟到嘅時候好香牛肉湯味，望落去亦都好濃郁，牛肉亦都唔少份量。另外叫咗呢個黃金炸軟殼蟹，軟殼蟹都算幾大隻，唔會淨係好似食到得個殼咁，因為感覺啖啖肉，亦都炒得好香，我覺得呢款餸可以encore。最後叫咗啲條鹽焗魚，佢係用啲好粗嘅鹽去蓋住黎燒，所以燒到個魚皮好脆，但係佢亦都可以鎖住裡面啲肉汁，好嫩滑，不過通常都係食入面啲魚肉俺會食個魚皮，因為魚皮佢太多鹽嘅話會比較鹹，而佢個魚身裡面亦都用咗好多泰式醃料擺入去一齊去燒所以會令到個魚肉更加香更加好味。食咗咁多熱氣野梗係要飲返啲羅漢果清一清熱氣，好重羅漢果味，亦都唔會甜，幾好飲架。