影片
更多
2021-09-28
84 瀏覽
💎總評分：7.5/10-呢間係非一般嘅米線舖，步入餐廳己經feel到佢嘅禪意🙇🏻♀️~裝修以白色為主，座位寬敞環境寧靜。雖然呢個地段無咩風景可言，但落地大玻璃令店面更光猛。小編今日先知道原來過橋米線有別於普通米線 - 相傳滇南有個秀才喺島上備考，為左令佢食到熱辣辣嘅米線🍜，佢老婆將熱湯放入砂鍋中，再準備米線同食材，每日去到橋先倒入砂鍋，確保食材最新鮮，過橋米線個名就係咁得反嚟🌁~呢個故事係寫左喺枱面張紙度嫁~ 幾得意!所以過橋米線最重要就係砂鍋，湯要夠熱🔥，食材夠新鮮。1️⃣ 涼拌萵荀線 $48下意識以為佢會似川菜咁有D辣，其實無😅，只係酸酸地做前菜好開胃又健康。2️⃣ 午市套餐 $88個set好豐富，包前菜&飲品，可選過橋米線或七彩麵，小編揀左後者，配特式湯同肥牛片🥓。前菜要左傣族手撕鬼雞，食材以九宮格形式擺盤，色彩繽紛啱晒打卡📸。熱湯喺砂鍋度滾緊出晒煙，店員見小編係咁影相，不停提醒要快D將食材放入去，凍左就會唔熟🤭。枱上有instruction教大家先放鵪鶉蛋同肉，再放蔬菜類，最後就放麵。湯底本身己經好香，再落埋九宮格入面嘅配料(尤其係酸菜、炸醬、酥肉、芫茜蔥)更加濃味😋，麵就無想像中咁七
-
呢間係非一般嘅米線舖，步入餐廳己經feel到佢嘅禪意🙇🏻♀️~裝修以白色為主，座位寬敞環境寧靜。雖然呢個地段無咩風景可言，但落地大玻璃令店面更光猛。
小編今日先知道原來過橋米線有別於普通米線 - 相傳滇南有個秀才喺島上備考，為左令佢食到熱辣辣嘅米線🍜，佢老婆將熱湯放入砂鍋中，再準備米線同食材，每日去到橋先倒入砂鍋，確保食材最新鮮，過橋米線個名就係咁得反嚟🌁~
呢個故事係寫左喺枱面張紙度嫁~ 幾得意!
所以過橋米線最重要就係砂鍋，湯要夠熱🔥，食材夠新鮮。
1️⃣ 涼拌萵荀線 $48
下意識以為佢會似川菜咁有D辣，其實無😅，只係酸酸地做前菜好開胃又健康。
2️⃣ 午市套餐 $88
個set好豐富，包前菜&飲品，可選過橋米線或七彩麵，小編揀左後者，配特式湯同肥牛片🥓。前菜要左傣族手撕鬼雞，食材以九宮格形式擺盤，色彩繽紛啱晒打卡📸。熱湯喺砂鍋度滾緊出晒煙，店員見小編係咁影相，不停提醒要快D將食材放入去，凍左就會唔熟🤭。枱上有instruction教大家先放鵪鶉蛋同肉，再放蔬菜類，最後就放麵。湯底本身己經好香，再落埋九宮格入面嘅配料(尤其係酸菜、炸醬、酥肉、芫茜蔥)更加濃味😋，麵就無想像中咁七彩，食落都OK。
前菜手撕鬼雞份量適中，鬼雞👻原來係雲南傣族當地菜式，酸酸地唔辣無芝麻醬，不過調味足凍凍地啱晒夏天食！
跟餐飲品都唔hea嫁👍🏻，有青檸薑蜜、紅棗蜜等，試左蘋果蜜，甜度適中~
午市套餐
$88
2 瀏覽
0 讚好
0 留言
午市套餐
$88
1 瀏覽
0 讚好
0 留言
午市套餐
$88
11 瀏覽
0 讚好
0 留言
午市套餐
$88
2 瀏覽
0 讚好
0 留言
3️⃣ 小食加配
假日有lunch set己經好低食，個set仲可以加配其他小食！薄荷牛肉卷+$20 🐮/ 脆炸蝦球+$12 🦐/ 迷你蔬菜春卷🥬+$12💓~全部都整得唔錯，尤其係牛肉卷，肉質唔韌配薄荷味清新得嚟又幾特別！
小食加配
5 瀏覽
0 讚好
0 留言
用餐體驗好新鮮，此非高級餐廳所以無expect星級嘅服務，不過店員有禮貌，環境服務都好。欣賞佢個set可以加配細portion小食，啱晒鐘意每樣食少少又唔食得多嘅女仔🙋🏻♀️。當然如果你大食可以叫大份D~喺旺角想食米線/麵...又唔想同人迫，又想同閨蜜打下卡咁，呢度會係個好選擇💯！
-
環境服務：⭐⭐⭐
食物質數：⭐⭐⭐⭐
打卡指數：⭐⭐⭐⭐
題外話/補充資料：
🚗 附近有露天停車場，或可以泊始創，不過小編今次難得巧遇咪錶位，半個鐘都超殺，好彩過時無俾人抄。
(以上食評乃用戶個人意見 , 並不代表OpenRice之觀點。)
張貼
