二家姐正宗原味麻辣火鍋

營業中

休息中

呢間係香港食過嘅最似嘅重慶麻辣火鍋，因為男友常去四川做嘢，對麻辣火鍋都有啲要求，話香港仲未食過正宗嘅味道兼比較貴。鋪頭係坐板凳，枱底有大籃放袋，可惜係今日個肚唔舒服，食唔到幾多。牛舌係雪藏貨但質感同牛味都幾好；黑毛豬肉味好夠，肉質亦都非常有彈性；鵝血鴨血喺內地一定叫，香港食過多數失望，但佢係招牌貨，點都咁都試下啦，質素似內地，好滑但係就好有韌；仲有半隻雞，係跟鍋底加78蚊，雞味濃；湯底係鴛鴦，麻辣同清湯，估唔到清湯底好鮮甜好足料喎，我地當湯飲。😂其實呢間價錢唔平，但味道正宗減左鹹，食物質素幾好，條數響返度。