影片
更多
2023-02-14
443 瀏覽
天氣無啦啦轉涼，當然要繼續去發掘火鍋店！方叔叔呢個名得意得來，仲要越開越多分店，相信一定有返咁上下水準👍🏻鴛鴦麻辣鍋 無辣不歡嘅小編當然揀左重慶辣湯，湯底麻得來好香，而且適逢情人節，餐廳仲整咗一個心型牛油應下節，入口並不會太嗆喉，越煲越刺激味蕾，嘴唇亦都會越嚟越麻，辣得過癮。另一邊揀咗花膠雞湯，湯底真材實料，花膠爽彈得來帶點膠質，雞件份量都幾多，雖然要額外加多$20一位，但係絕對超值！👍🏻美國Prime牛小排一片一片油脂分布平均，入口牛味都幾重，半份而言有八片，價錢尚可。👍🏻嫩牛肉比起肥牛片，小編更鍾情於滑牛！精選牛裹脊部位，脂肪及瘦肉比例適中，牛肉食落鮮嫩香濃，放入麻辣湯底之中，無疑係最完美嘅配搭。👍🏻晨州生蠔🦪呢個價錢有四隻，真係物超所值。用上冰鎮方式上枱，眼見蠔肉飽滿，食落蠔味鮮甜！👍🏻鮮竹笙手打蝦滑 呢個配料屬中環店限定，竹笙之內包入蝦滑，入口豐富，爽爽脆脆之中帶有蝦肉嘅彈口，最值得一讚嘅係，竹笙包得實淨，落咗鍋底都唔易鬆散！👍🏻潮汕手打牛筋丸牛味不算香濃但勝在爽彈多汁！👍🏻鮮龍躉片一片一片晶瑩透白，魚質帶點爽口得來又好實淨，魚味好清，入口無骨無鱗。👍🏻蔬菜功夫萵筍片薄得透徹，
👍🏻鴛鴦麻辣鍋
無辣不歡嘅小編當然揀左重慶辣湯，湯底麻得來好香，而且適逢情人節，餐廳仲整咗一個心型牛油應下節，入口並不會太嗆喉，越煲越刺激味蕾，嘴唇亦都會越嚟越麻，辣得過癮。另一邊揀咗花膠雞湯，湯底真材實料，花膠爽彈得來帶點膠質，雞件份量都幾多，雖然要額外加多$20一位，但係絕對超值！
👍🏻美國Prime牛小排
一片一片油脂分布平均，入口牛味都幾重，
半份而言有八片，價錢尚可。
👍🏻嫩牛肉
比起肥牛片，小編更鍾情於滑牛！精選牛裹脊部位，脂肪及瘦肉比例適中，牛肉食落鮮嫩香濃，放入麻辣湯底之中，無疑係最完美嘅配搭。
👍🏻晨州生蠔🦪
呢個價錢有四隻，真係物超所值。用上冰鎮方式上枱，眼見蠔肉飽滿，食落蠔味鮮甜！
👍🏻鮮竹笙手打蝦滑
呢個配料屬中環店限定，竹笙之內包入蝦滑，入口豐富，爽爽脆脆之中帶有蝦肉嘅彈口，最值得一讚嘅係，竹笙包得實淨，落咗鍋底都唔易鬆散！
👍🏻潮汕手打牛筋丸
牛味不算香濃但勝在爽彈多汁！
👍🏻鮮龍躉片
一片一片晶瑩透白，魚質帶點爽口得來又好實淨，魚味好清，入口無骨無鱗。
👍🏻蔬菜
功夫萵筍片薄得透徹，放落白湯，食落清甜；油麥菜油綠，同樣係打邊爐嘅必備蔬菜之一。
👍🏻紅糖糍粑
紅糖蘊藏喺糍粑裏面，所以咬落去嘅時候要特別小心，再可以沾上黃豆粉同芝麻，煙韌韌勁好食！
👍🏻水仙烏龍檸檬茶
超巨型嘅size，絕對可以兩個人分享，入口清清甜甜，而且有好多片檸檬，適合解油膩！
👍🏻👍🏻每張枱都有獨立嘅豉油、蒜蓉、麻油、蔥花，感覺更為衛生，另外配備左計時器，咁就唔怕會錯過每樣食材嘅最佳口感。
💡茶位及醬料費$20一位，一坐低更加會送上滋潤糖水！
張貼
