李家 (筲箕灣道) (已結業)

賢孫孝子既我，一大早起身走去掃墓。搞掂哂之後就搵野醫肚，今次去左筲箕灣既李家食韓國野。餐廳既天使翅既光管，聽住韓文歌，食住炸雞真係好似去左韓國咁。我地叫左半半炸雞，兩個口味各半份，雞肉嫩滑，外皮炸得好金黃香脆，好邪惡。蜂蜜蒜蓉炸雞炸雞淋上蜂蜜蒜蓉醬汁，仲鋪左蒜蓉同大蒜粒，一齊食甜甜地又咸咸地，另有一翻風味，非常惹味。青辣椒蛋黄醬炸雞青辣椒有少少辣、但香濃蛋黃醬中和左辣度，呢個口味我好鐘意。炸魷魚鬚拼辣年糕湯炸魷魚鬚好香口，魷魚又彈牙，食唔停。年糕湯材料十足，年糕同魚糕都好多，個湯好香濃，有少少辣但都幾正。飽哂，正。