Bingo & Cook (港匯廣場)

營業中

休息中

今日嚟到位於尖沙咀港匯廣場嘅Bingo & Cook韓國餐廳，餐廳位置都幾方便，就喺尖東站附近。環境望落都幾熱鬧，好啱幾個朋友一齊過嚟chill下食嘢傾偈。-50cm韓式海鮮鍋份量好多，大大個喎，再講放喺面前，原來50 cm比想像中仲要大，見到都幾震撼，而且入面好足料，有鮑魚扇貝蝦蟹等等，非常豐富，見到就好吸引。另外個湯都超好飲，好夠味，最尾再加上烏冬煮，又入味又好食。-海鮮煎餅味道非常地道，而且個餅底煎得好香脆，食落口好有層次感。-韓式牛肉蒸餃子皮薄餡又多，啲牛肉好似掙扎緊想出嚟咁，餡料非常豐富，味道亦都啱啱好，唔會太鹹，亦都可以點上餃子豉油，令到味道唔會咁膩。-