達人包車 (已結業)

呢間正宗韓國餐廳連店員都係韓國人黎ga😛✨電烤五花肉🐷五花肉係勁大嚿, 仲有Oppa黎幫手切成一片片，再放喺鐵板上進行烤制🔥佢用火槍細心咁逐片燒烤，確保每一片肉都變得焦香美味😊燒成焦香嘅五花肉可以夾埋鐵板上嘅泡菜、大蔥、洋蔥等一齊食, 另外Oppa仲俾左D生菜我tim😝✨醬油蟹🦀人生第一次食, 蟹膏夠多, 醬油味滲晒入蟹肉入面, 完全食到蟹嘅鮮甜, 幾好食😛而且仲會跟埋紫菜飯🍚可以撈飯食! ✨醬烤牛肉🐮醬烤牛肉埋到成座山咁, 牛肉醃得非常入味, 仲配有金菇,蔬菜粉絲, 同樣係由Oppa 幫手炒熟😍濃郁嘅醬汁令牛肉更加美味多汁,配埋掛汁嘅粉絲,絕對係今晚MVP😳✨蜜糖炸雞🍗即叫即整, 估唔到份量會咁多, 仲跟埋一兜薯條🍟真係好驚喜! 蜜糖包著香脆嫩滑嘅雞肉，帶來口感豐富嘅享受, 咬落仲有爆汁ga😳✨🍶西瓜燒酒🍉係餐廳嘅特式飲品, 非常吸睛! 餐廳用咗大半個西瓜作為裝滿用新鮮西瓜汁調製而成嘅西瓜燒酒, 完全飲到燒酒嘅淡香🤩夏天飲覺得特別暢快!