馬場洞烤肉專門店 (新城市廣場三期) (已結業)

同老公相約一齊去食燒肉，治下想去韓國嘅心態，咁啱沙田行完街，就嚟到呢間韓國燒肉專門店度試吓，裏面都比較多人，唔知會唔會係因為新開嘅關係，店員安排左我哋坐低左之後就俾咗Menu我哋揀，我哋就叫咗一份菲力牛扒，一份韓牛西冷扒，一個藥膳養生石頭鍋飯，超級超級期待，坐低之後店員會為你送上五碟餐前小吃，有泡菜就一定㗎啦，然後有嘅就係酸醋泡洋蔥片，拍青瓜，新鮮沙律菜，仲有一款小食就係茄子，之前食咁多次行國料理都未有見過呢款餐前小吃，所以覺得幾特別，味道亦都不錯，隔咗一陣之後店員會幫你預先開定個爐預熱，等一陣牛扒一上就可以即刻燒，主角終於到啦，擺盆亦都擺得好靚，燒到咁上下嘅時候店員會過嚟幫手亦都會教我地點樣先會燒得最好，燒到咁上下嘅時候，我哋叫嘅藥膳養生鍋石頭飯亦都到咗啦，呢個飯係店員係你面前幫你調味同埋攪拌嘅，所以店員為免我哋掛住食飯已忘記燒菲力牛扒嘅關係，佢哋就拎咗入廚房幫我地燒，我哋就可以專心喺度品嚐呢個養生嘅石頭鍋飯，石頭鍋飯比較淡口，唔會太濃味，所以如果食多咗肉比較肥膩嘅話，最後食返呢個飯可以清一清胃口都係不錯嘅選擇👍🏻👍🏻👍🏻