藝餐 (已結業)

葵涌廣場真係由細行到大, 有一日無意中發現到, 原來有間甘正宗甘隱世既韓國餐廳. 就入左去試, 有選擇困難既我, 選左好耐, 終於點了海鮮拉麵. 好味囉, 真係好食到無咩野好講! 所以, 我第2日就即刻帶左我朋友又去食一次! 今次我叫左個嫩豆腐湯, 睇落紅卜卜, 其實吾係好辣架咋, 仲好好味添, 有碗白飯跟既, 簡單係大滿足食到飽飽. 朋友就點了個牛肉拉麵, 佢地既拉麵係好彈牙既韓國拉麵, 仲用個大大個既拉麵鍋上檯. 加上坐低就上2款前菜, 有好開胃既泡菜同芽菜, 正. 我就覺得好抵食喇. 可惜我地2個屬細食之人,  叫吾到其他野食啦, 唯有下次再去幫襯啦.