泰爸爸

營業中

休息中

上次同朋友食明爐烏頭意猶未盡🤤，今次同J生兩個人食到過癮！我地揀咗係奧海城嘅「泰爸爸」，因為地點方便，環境又舒服，帶狗嘅朋友可以坐露天座位🐶，秋風起又唔怕熱。店員姨姨都好有禮貌，聽到佢地用泰文溝通，有一𣊬間去咗泰國旅行嘅感覺🛺————————————————👅 泰式明爐烏頭（$168）👍🏻只要叫咗呢個菜式，成餐飯都好有氣氛，堆滿泰式香料同肉碎，烏頭好厚肉🐟，肉質鮮嫩，想食少少辣就沾少少泰式酸辣汁👅 鮮菠蘿海鮮炒飯（$98）👍🏻海鮮主角係青口肉、蝦仁同魷魚，重要配角係肉鬆、提子乾同臘腸🍍，口感豐富，飯粒炒到粒粒分明👅泰式黃咖喱薯仔牛腩（$98）👍🏻 黃咖哩椰香撲鼻，幸運得到牛筋腩部位，淋到化開嘅薯仔吸晒啲咖喱汁🥔，應該叫多一碗白飯👅 泰式薄餅（$38）👍🏻 有咖喱又點少得泰式薄餅，最正嘅食法係沾滿咖哩汁🌮，再夾一件牛腩，香脆惹味👅 泰式炒椰菜苗（$78）👍🏻 椰菜苗食泰國嘢係必食🥬，苦苦哋又好爽口，加埋啲冬菇更香口————————————————🚩總結：正宗風味嘅泰國菜🇹🇭———————————————— 🌟注意：餐廳入口喺商場外面，要係三期搭電梯落到地下，步出街外轉右手面就到—————