水門雞飯 (百宜樓) (已結業)

見元朗依間水門雞飯都幾出名，一場黎到元朗一於試下佢！去到門口都見有人排隊，不過都唔洗等好耐，入面位置都多而且環境同曼谷果間都好似，所以都唔會特別坐得耐，食完就會走～叫左個水門雞飯（$50）包埋個冬瓜湯！味道黎講個雞無乜味比較淡，無骨，雞肉都滑！個油飯味道都係偏淡，無乜味咁，好靠個醬，但依個醬係辣辣地同係曼谷食果陣唔同。另外叫左個泰式奶茶（$20），雖然有啲貴但係個味道同喺泰國飲真係好似，夠晒甜整體黎講其實質素係正常嘅，只不過不自覺地同左係曼谷食果陣個味道比較，點都差少少！但係香港黎講食到嘅算係不錯架喇！