影片
更多
2013-10-25
6550 瀏覽
姨丈吹雞，話帶我地去食一家又抵又好味o既乳豬同鵝腸，嘻嘻，試問為食o既肥肥家族又點會放過食好野o既機會呢 ？！「兜記」位於灣仔杜老誌道，到處都係巴士同旅遊巴，交通非常擠塞，雖然的士、巴士、小巴樣樣到，個人會選擇行路或者搭電車。「兜記」設於群策大廈三樓，大廈左邊有兩部專為食肆而設o既升降機，地下則有不同餐廳o既知客招待客人上樓。上到三樓，一入門口就覺得「兜記」光猛，右手邊個大魚缸好搶眼，地方好闊落。大肥爸爸記性真係好，坐低唔夠兩分鐘就認得出曾經喺位於灣仔街市o既「金兜記」見過兩位經理 ，佢地二人亦爽快大方地承認。唔知同我地認識佢地有冇關呢，伙計們o既招呼都頗為細心體貼衛生，不時為我地加酒水、換碟、更問及我地對餐廳提供o既不同菜式有咩意見 。當晚姨丈請客，餸菜由佢一早預訂，主要想我地品嚐鵝腸、乳豬及粉絲煲： 豉油皇鮮鵝腸（$128）：去哂肥o既鵝腸爽口帶甜，食落好健康 ，又唔會話過熟，拌碟o既芽菜都一樣咁爽，不過如果可以熱啲，個餸會更加好食！ 兜記即燒乳豬（$638/隻）：乳豬係「兜記」o既招牌菜，姨丈極力推介！首先要讚o既係乳豬皮已經去哂肥，好健康，最重要係質感猶如薯片般香脆
「兜記」位於灣仔杜老誌道，到處都係巴士同旅遊巴，交通非常擠塞，雖然的士、巴士、小巴樣樣到，個人會選擇行路或者搭電車。「兜記」設於群策大廈三樓，大廈左邊有兩部專為食肆而設o既升降機，地下則有不同餐廳o既知客招待客人上樓。上到三樓，一入門口就覺得「兜記」光猛，右手邊個大魚缸好搶眼，地方好闊落。
大肥爸爸記性真係好，坐低唔夠兩分鐘就認得出曾經喺位於灣仔街市o既「金兜記」見過兩位經理 ，佢地二人亦爽快大方地承認。唔知同我地認識佢地有冇關呢，伙計們o既招呼都頗為細心體貼衛生，不時為我地加酒水、換碟、更問及我地對餐廳提供o既不同菜式有咩意見 。
當晚姨丈請客，餸菜由佢一早預訂，主要想我地品嚐鵝腸、乳豬及粉絲煲：豉油皇鮮鵝腸（$128）：去哂肥o既鵝腸爽口帶甜，食落好健康 ，又唔會話過熟，拌碟o既芽菜都一樣咁爽，不過如果可以熱啲，個餸會更加好食！
兜記即燒乳豬（$638/隻）：乳豬係「兜記」o既招牌菜，姨丈極力推介！首先要讚o既係乳豬皮已經去哂肥，好健康，最重要係質感猶如薯片般香脆，就連家中牙力較弱o既嫲嫲都可以咬到 ！乳豬二度斬件上，雖則肉質唔嚡唔乾，不過正如大肥所講，幼嫩程度絕不能同手絲二度比。
豬肺湯（$288/半鼎）：「兜記」o既豬肺湯以雞腳及紹菜肴製而成，潤得黎味道香甜濃郁，加上豬肺洗得夠乾淨，白雪雪之餘又唔「押」，讚 ！香辣手抓羊排（$98）：羊排味道勁蘇，而且超肥，XO仔真係食到打冷震 ！
涼瓜炆斑尾（$520）：（怕骨o既小肥冇食）據主人家所評，條魚好新鮮，不過太大，所以肉質唔夠滑。
菠蘿生炒上肉排（$88）：生炒骨還可以，不過炸粉太厚，所以咬落好硬，需要改良！干撈粉絲煲（$168）：干撈粉絲做得好乾身，味道微辣得黎唔會過火，加上用煲上，夠哂熱，真係好出色 ！大家食完一口已經叮囑小肥一定要喺openrice度推介 ！
川椒滑雞球（$78）：雞球做得好嫩滑，可惜太油膩，而且胡椒味太濃，令小肥有所保留。
芒果糯米糍（免費贈送）：糯米糍o既椰味濃到蓋過哂啲芒果味，熱愛芒果o既大小雙肥有少少失望囉！
其他收費:銀杏鮮腐竹浸白菜仔（$68）
可樂：$10/支
晚茶：$9/位
晚芥：$4/位
埋單每人約$280，有魚有乳豬，唔可以話貴，又唔係話好平，抵唔抵食就見仁見智，總知肥肥家族就覺得價錢合理啦！
「兜記」o既環境、服務、衛生、食物及價錢各方面都尚算合格，只係整體未去到一個令人「嘩」o既程度，故此XO仔未能喺任何一項給予滿分。餸菜方面有所參差，不過大家絕對要黎試四味招牌菜：豉油皇鮮鵝腸、兜記即燒乳豬、干撈粉絲煲、豬肺湯 。
張貼
