豆漿大王(粢飯) (已結業)

豆漿大王係我每次踩單車都去食野既地方，今次都吾例外！去左呢間５次左右，最主要都係食左酸辣米線、菜飯同芝士撈丁＋豆漿酸辣米線：次次都吾同味道（個人覺得），但感覺驚喜＋新鮮，水準亦無因每次味道吾同而有調整菜飯：菜既份量都叫多，同埋好新鮮，我次次都去食雙扒菜飯配甜醬油，豬扒薄得黎好多肉汁，好香口！　　　咖哩汁都係一個吾錯既選擇，好香濃，食落口都岩岩ＯＫ芝士撈丁：撈丁中，豬頸肉撈丁最好食（個人覺得），不過個汁有時好膩，食完之後都吾係好想食野咁制！　　　　　但個汁好香濃，好重芝士味，覺得膩既話可以叫番碗上湯生菜！豆漿：好香天然豆味，吾太甜，比坊間既好好多，吾駛另外比錢買，隨餐附送～服務員既工作效率都叫快，即使係佢地開飯時間都幫我地落左單先。讚！由於我次次都係坐出面或者店外，所以對店內環境無乜留意。