肉餅哥小炒料理 (已結業)

一向覺得食肉餅都係生活嘅一部份，屋企既媽咪會整愛心肉餅，出街食茶餐廳都成日叫肉餅。聽聞呢間肉餅哥嘅肉餅好好食又好特別，之前都有聽過人哋去荃灣嗰間食過好正，終於開咗間係大圍，路過即就試吓！首先來一個足三兩花膠肉餅，嘩！一嚟到啲花膠已經蓋過所有嘅肉餅，食落啖啖花膠肉又整得好淋好入味，當然主角既肉餅都好好食！加埋個菜飯，個足三兩花膠非常之夾個肉餅！再嚟過傳統啲嘅土魷肉餅，雖然望落去清清地，但係土魷肉餅好香！傳統新鮮既肉餅拿來送飯，令人越食越肚餓！其實Menu上邊仲有好多好特別嘅肉餅，全部新奇刺激，等我下次出嚟試吓其他新野先！