影片
更多
2023-05-27
209 瀏覽
景霖正宗四川麻辣米線 (白加士街) (佐敦)佐敦白加士街17號伯嘉士大廈地下地點非常方便喺佐敦C出口，C出口行唔使1分鍾就到，好彩嘅話揸車仲可以泊街。餐廳都開咗好多年，但依舊可以keep到好乾淨，職員好有禮貌，一入去就已經招呼我，餐廳座位唔算多，可以自己搵位，如果多人嚟，一張圓枱6至8個都坐到。見隔離枱嘅過橋米線好澎湃，佢個碗係大過個拉麵碗，想試多rf野食，米線嗌左雞肉牛腩蘿蔔豬潤，$38米線，每樣菜$7而已，丸類、肉類、蔬菜類、其他，Menu分得好清楚，冷熱飲品亦都只不過係加$8而己。米線一上菜係超級熱，熱煙飄出，湯底非常之有層次，一啲都唔油，可選麻辣或酸辣。雞肉即係原片雞肉，唔係譚仔嗰啲雞肉碎，牛腩好入味，睇佢隻色就知。大力推介豬潤，爽口一啲都唔粉，分量仲要好多。另外，嗌左個韭菜豬紅，$21而己，也太抵食了吧，仲要超級入味豬紅，韭菜新鮮爽，平時出邊大排檔都食唔到。必要分開嗌份豬紅。香草雞翼，一上菜已經香味撲鼻，除咗外皮香脆好味，雞肉都有味道，並不是淡戊戊的譚仔雞翼。好食過譚仔，亦都非常抵食，大家行開佐敦，可以考慮一下，平靚正。
佐敦白加士街17號伯嘉士大廈地下
地點非常方便喺佐敦C出口，C出口行唔使1分鍾就到，好彩嘅話揸車仲可以泊街。餐廳都開咗好多年，但依舊可以keep到好乾淨，職員好有禮貌，一入去就已經招呼我，餐廳座位唔算多，可以自己搵位，如果多人嚟，一張圓枱6至8個都坐到。
見隔離枱嘅過橋米線好澎湃，佢個碗係大過個拉麵碗，想試多rf野食，米線嗌左雞肉牛腩蘿蔔豬潤，$38米線，每樣菜$7而已，丸類、肉類、蔬菜類、其他，Menu分得好清楚，冷熱飲品亦都只不過係加$8而己。
米線一上菜係超級熱，熱煙飄出，湯底非常之有層次，一啲都唔油，可選麻辣或酸辣。雞肉即係原片雞肉，唔係譚仔嗰啲雞肉碎，牛腩好入味，睇佢隻色就知。大力推介豬潤，爽口一啲都唔粉，分量仲要好多。
另外，嗌左個韭菜豬紅，$21而己，也太抵食了吧，仲要超級入味豬紅，韭菜新鮮爽，平時出邊大排檔都食唔到。必要分開嗌份豬紅。
香草雞翼，一上菜已經香味撲鼻，除咗外皮香脆好味，雞肉都有味道，並不是淡戊戊的譚仔雞翼。
好食過譚仔，亦都非常抵食，大家行開佐敦，可以考慮一下，平靚正。
張貼
