加拿大餐廳 (已結業)

眨下眼我已經做人上上上莊，被稱呼為老鬼，真係歲月不饒人。以前上莊時成日黎呢度食晚飯，眨下眼原本都差唔多年幾兩年無黎過，今晚俾人邀請返去做上莊分享，咁去之前就同個下莊黎左呢度食飯啦。簡單D講，唔係幾好食，最好食係個蒜蓉包，又香又脆，仲每人有兩塊添，真係好好食架。其他就麻麻啦，我要左個白湯，不過好「杰」身，而且感覺幾重味精，所以我飲左一半都無飲。叫左個白汁香菌焗魚柳飯，好大個，不過主角魚柳好難食，硬到好似石頭咁，D肉又UN喎，而且完全無味，總之就唔好食。另一個芥辣蜜糖豬扒意粉都係不相伯仲，個豬扒其實都OK，唔UN肉質可以，又甜甜地，都幾好食，不過個意粉好乾，搞到食少少都唔想食。甜品係朱古力蛋糕，幾好食，不過乾左少少，但都可以接受既。價錢唔貴，都可以俾個OK佢啦，但要我特登去就未必啦。