紀文 (已結業)

星期六, 要入西貢打點一些東西, 入去前, 我同齋妹先到沙田會合. 未食中午飯的我, 就行黎Yada既foodcourt, 食飽行陣街先入去. 不想食漢堡, 不想吃小食串燒. 要找個飯食. 行了一圈, 看見有檔野有飯食, 自然地, 就選擇呢度開餐. 呢類foodcourt, 地方小小, 廚房整野食既地方是看得見的, 看見其炸起的金黃吉烈扒, 像是非常好味, 想叫但又怕熱氣. 就改叫一個冇咁熱氣既日式叉燒飯.製作過程全曝光, 飯, 是正宗日本米, 香軟米飯沒有問題. 醬油汁, 是正宗的日式燒汁味道, 沒有問題. 叉燒, 當然是日式的中華叉燒啦, 成個飯於味道方面, 完全合格. 若不是看見其製作過程, 相信呢個飯, 我會俾笑面.製作方面, 完全衛生沒問題, 問題就是俾我睇到, 成個叉燒飯用既叉燒, 只是從雪櫃拿出來, 再放入微波爐返叮的 "丁丁food". 幸好飯不是返叮飯. 雖然我知道, 好多餐廳都會用微波爐叮返熱D材料, 但俾客人見到, 實在是非常之失禮.