鏞鏞．藝嚐館

營業中

休息中

相比於鏞記，鏞鏞少咗啲金碧輝煌嘅感覺，更為輕鬆，裝修偏向新中式，綠色嘅主色週幾清新。一行四人坐得舒舒服服，枱同枱之間有足夠空間，傾計都free啲。叫咗幾樣點心，味道都叫不俗，桂花蟹肉炒粉絲啲蟹肉新鮮拆出嚟，好有誠意，炒粉絲都好入味，簡簡單單但係係我最鍾意果道菜；蜜汁义燒不過不失，都係鏞記嘅肥燶义好味啲，雖然好唔健康但實在令人念念不忘。黑椒蒜片炒牛肉火候控制啱啱好，牛肉仍然好嫩唔會過老，黑椒味入晒去，送飯一流；上湯杞子竹笙浸菜遠都好味，但份量比預期略細咗少少。整體上食物達到水準，服務都ok，會考慮母親節同屋企人再嚟。